Հայ-վրացական սահմանին ոսկու մաքսանենգություն է բացահայտվել. օտարերկրացի է ձերբակալվել

Օտարերկրացի է ձերբակալվել «Սադախլո»-ում։ Նա մեղադրվում է Վրաստան 935 գրամ ոսկյա իրերի ապօրինի ներկրման մեջ։ Այս մասին հայտնել է Վրաստանի ֆինանսների նախարարության քննչական ծառայությունը։

Հանցագործին հաջողվել է ձերբակալել քննչական ծառայության եւ եկամուտների ծառայության մաքսային վարչության աշխատակիցների համատեղ աշխատանքի շնորհիվ։

Քննությունը պարզել է, որ մեղադրյալը գաղտնի կերպով Վրաստան է տեղափոխել 935 գրամ ոսկյա իրեր, որոնց ընդհանուր մաքսային արժեքը կազմում է 152 241 լարի (60 հազար դոլար):

Քրեական գործ է հարուցվել «Վրաստանի մաքսային սահմանով ապրանքների տեղափոխման հետ կապված կանոնների խախտում, որոնք կատարվել են առանձնապես խոշոր չափերով» հոդվածով, որը նախատեսում է տուգանք կամ 5-7 տարվա ազատազրկում։