Կոտայքի մարզի և Իրկուտսկի միջև միջպետական համագործակցության հուշագիր է ստորագրվել
Քաղաքական
«Ռուսաստանի Իրկուտսկ քաղաքում հուլիսի 21-ին մասնակցեցի Հայաստանի Հանրապետության Ազգային ժողովի եւ Ռուսաստանի Դաշնության Դաշնային ժողովի միջեւ համագործակցության միջխորհրդարանական հանձնաժողովի 37-րդ նիստին, այդ մասին ֆեյսբուքյան էջում գրում է ՀՀ ԱԺ «Քաղաքացիական պայմանագիր» խմբակցության պատգամավոր Վաղարշակ Հակոբյանը․
«Քննարկման ընթացքում անդրադարձ կատարվեց տարածաշրջանային անվտանգությանը, ինչպես նաև Հայաստանի և Ռուսաստանի ռազմավարական հարաբերությունների առանձնահատկություններին, երկու երկրների միջև գիտակրթական համագործակցությանը, այդ թվում՝ միջտարածաշրջանային միջբուհական փոխգործակցությանը:
Նիստի ավարտին Կոտայքի մարզպետ Ահարոն Սահակյանը ստորագրեց Կոտայքի մարզի և Ռուսաստանի Իրկուտսկի երկրամասի միջև միջպետական համագործակցության հուշագիրը, այդ թվում նաև Արմավիր համայնքապետ Դավիթ Խուդաթյանը Արմավիրի և Իրկուտսկ քաղաքների միջեւ ևս ստորագրեց փոխգործակցության հուշագիրը։
Նիստի շրջանակում օրակարգային հանդիպում ունեցանք Իրկուտսկ երկրամասի ղեկավար Իգոր Կոբզեվի և Իրկուտսկի հայ համայնքի հետ:
Հայ-ռուսական համագործակցության միջխորհրդարանական հանձնաժողովի 38-րդ նիստը Հակոբ Արշակյանի առաջարկով կանցկացվի 2024 թվականին Հայաստանում`Դիլիջան քաղաքում»,- նշել է նա։
ՈՒՂԻՂ ԵԹԵՐ
Ամենադիտված 
ՀՀ-ում ԱՄՆ դեսպանատնից լավ լուր․ նոր հնարավորություններ՝ հայ զինվորականների համար
