Բանակցությունների արդյունքները զիջում են բանակցային գործընթացի բուն դինամիկային․ Բայրամով
Բանակցությունների արդյունքները զիջում են բանակցային գործընթացի բուն դինամիկային։ Այս մասին եռակողմ հանդիպմանն ասել է Ադրբեջանի ԱԳ նախարար Ջեյհուն Բայրամովը։
«Բայց գուցե սխալ կլիներ ասել, որ դրական արդյունքներ ընդհանրապես չկան կամ գոյություն չունեն։ Այսօր կարծում եմ՝ հնարավորություն կլինի մտքերի փոխանակում անել հարցերի բոլորի շրջանակների մասին և սովորաբար այսպիսի ձևաչափում մենք հայկական պատվիրակության հետ ավելի շատ ենք ուշադրություն դարձնում խաղաղության պայմանագրի մնացած հոդվածների վրա»,- նշել է նա։
Արարատ Միրզոյանն իր հերթին նշել է, որ Լեռնային Ղարաբաղում լուրջ հումանիտար ճգնաժամ է, իրավիճակը մոտ է իրական հումանիտար աղետին:
«Եթե չհաջողվի լուծում գտնել, և Ադրբեջանը չդադարեցնի Լեռնային Ղարաբաղի շրջափակումը և հումանիտար աղետը, դա բացասական հետևանք կունենա նաև բանակցային գործընթացի վրա»,- հիշեցրել է նախարարը, նշել՝ հայկական կողմը կառուցողական է տրամադրված։
Միրզոյանը նշել է, որ Ադրբեջանի հետ բանակցությունները բավականին ինտենսիվ են ընթանում, որոշ հարցերում արդյունքներ կան, որոշ հեռանկարներ տեսանելի են, որտեղ կողմերը կարող են փոխադարձ համաձայնության գալ։
«Բայց, իհարկե, մնում են խնդրահարույց հարցեր, որտեղ կողմերի դիրքորոշումները դեռ հեռու են միմյանցից»,- հավելել է Միրզոյանը։
ՈՒՂԻՂ ԵԹԵՐ
Ամենադիտված 
Հայաստանը և Ադրբեջանը տարածքների փոխանակում պետք է իրականացնեն. Փաշինյան
