Անգլիայում երկու կին ծեծկռտուք են սարքել «Բարբի» ֆիլմի ցուցադրության ժամանակ
Այլ
Անգլիայում երկու կին սկսել են կռվել կինոթատրոնում «Բարբի» ֆիլմի ցուցադրության ժամանակ, գրում է Mirror-ը։
Ինչպես պատմել է դեպքի ականատեսներից մեկը, կանանց կոնֆլիկտի պատճառով կինոթատրոնի ադմինիստրացիան ընդհատել է ֆիլմի ցուցադրությունը։ Մինչ հանդիսատեսները բռունցքներով հարձակվել են միմյանց վրա, մյուսներն իրենց տեղերում նստած հետևել են կռվին։ Արդյունքում կանայք հեռացվել են դահլիճից, իսկ թե ինչն է նրանց անհամաձայնության պատճառ դարձել, այդպես էլ հայտնի չի դարձել։
«Մենք ստացանք տոմսի արժեքի փոխհատուցում և մեկ այլ ֆիլմի անվճար տոմս», - ասել է Իզի Փաուլթերը, ով նույնպես եկել էր «Բարբի» ֆիլմի ցուցադրությանը:
Այն բանից հետո, երբ միջադեպի կադրերը տարածվեցին սոցիալական ցանցերում, մեկնաբաններն սկսեցին կատակել, թե կանանց մենամարտն ակնհայտորեն ավելի հետաքրքիր էր, քան ֆիլմը։ Ոստիկանությունից հավելել են, որ դեպքի հանգամանքները պարզում են։
«Միջադեպից հետո կասկածյալները լքել են տարածքը, հետաքննությունը շարունակվում է»,- ասվում է ոստիկանության հաղորդագրության մեջ։
ՈՒՂԻՂ ԵԹԵՐ
Ամենադիտված 
Հայաստանը և Ադրբեջանը տարածքների փոխանակում պետք է իրականացնեն. Փաշինյան
