«Одноклассники» ցանցը հրաժարվում է լուսանկարների գնահատականներից

«Одноклассники» սոցիալական ցանցը մինչեւ օգոստոստի վերջ կհանի լուսանկարների 1-5 գնահատման ֆունկցիան, ինչպես նաեւ կմտցնի մասնավոր «Կլասի» մեխանիզմ, որը կերեւա միայն կոնտենտի հեղինակներին եւ չի երեւա ժապավենում ու այլ օգտատերերին։ Այս մասին «ՌԻԱ Նովոստի»-ին տեղեկացրել են ընկերությունում։

«Одноклассники» սոցիալական ցանցը հրաժարվում է լուսանկարների գնահատականներից ու կավելացնի նոր ֆունկցիոնալ ռեակցիաներ։ Այդ քայլը թույլ կտա ստեղծել ավելի հարմարավետ եւ հարգալից միջավայր «Одноклассники»-ի ներսում հաղորդակցությունների համար։ Լուսանկարների 1-5 գնահատումների ֆունկցիան մինչեւ օգոստոսի վերջ հասանելի չի լինի բոլոր օգտատերերին։ Թարմացումը նպատակ ունի բարելավել շփումը օգտատերերի միջեւ, իջեցնել բացասականի ազդեցությունը եւ բարձրացնել մասնավորությունը օգտատիրոջ ժապավենում»,- նշվել է հաղորդագրությունում։

Ընկերությունում հիշեցրել են, որ գնահատականների ֆունկցիան թույլ էր տալիս հակադարձ կապ տալ լուսանկարի մասին եւ այն նշել 1-5 գնահատականով կամ դնել «5+»։ Շատ սցենարներում գնահատականները կրկնօրինակում էին հակադարձ կապի ֆունկցիան «Կլասների» հետ միասին, իսկ 5-ից ցածր գնահատականը առաջ էր բերում բացասական զգացողություն օգտատերերի շփումներում։

«Ընկերների կամ հեղինակների լուսանկարներին արձագանքելու համար օգտատերերը կարող են օգտագործել ինչպես «Կլաս»-ի, մեկնաբանությունների եւ այլ արձագանքների հրապարակային մեխանիկաները, այնպես էլ մասնավոր «Կլաս» ֆունկցիան, որը երեւում է միայն կոնտենտի հեղինակներին եւ չի երեւում այլ օգտատերերի մոտ։  Մասնավոր «Կլասը» օգտատերերը կարող են թողնել վեբ-տարբերակի «Կլաս» կոճակին սեղմելով եւ նույն կոճակը երկրորդ անգամ սեղմելով բջջային հավելվածում»,- նշել են ընկերությունում։