Սիեթլում Թեյլոր Սվիֆթի համերգները մինի–երկրաշարժ են առաջացրել
Այլ
Սիեթլ քաղաքում ամերիկյան փոփ աստղ Թեյլոր Սվիֆթի երկու խոշոր համերգներն առաջացրել են 2,3 մագնիտուդով երկրաշարժին համարժեք սեյսմիկ ակտիվություն։
Տեղացի սեյսմոլոգ Ջեքի Կապլան-Աուերբախը տվյալներն արձանագրել է հուլիսի 22-ին և 23-ին Սվիֆթի՝ Լումեն Ֆիլդում կայացած ելույթների ժամանակ՝ իր Eras Tour շրջագայության շրջանակներում:
Գիտնականի խոսքով՝ մինի–երկրաշարժի աղբյուրը կարող էր լինել կա՛մ պարող Սվիֆթի երկրպագուները, կա՛մ ձայնային համակարգը։ Արևմտյան Վաշինգտոնի համալսարանի երկրաբանության պրոֆեսոր Կապլան-Աուերբախը կիսվել է իր դիտարկումներով CNN-ի հետ:
Երկու երեկոների ընթացքում այս համերգներին պարել է 144000 երկրպագու։
Նախորդ նմանատիպ ռեկորդը Սիեթլում գրանցվել էր 2011 թվականին ամերիկյան ֆուտբոլի հանդիպման ժամանակ։ Այն ստացել էր «Բիսթ քուեիք» - «Կենդանական երկրաշարժ» անվանումները:
Այն ժամանակ սեյսմիկ իրադարձության հեղինակ էին դարձել «Սիեթլ Սիհոքս» թիմի երկրպագուները։ Նրանք չէին կարողացել զսպել իրենց ուրախությունը, երբ Մարշոն Լինչը վաստակել էր տպավորիչ 6 միավորանոց հարված՝ ապահովելով ակումբի հաղթանակը գործող չեմպիոն «Նյու Օռլեան Սեյնթսի» դեմ:
ՈՒՂԻՂ ԵԹԵՐ
Ամենադիտված 
ՀՀ-ում ԱՄՆ դեսպանատնից լավ լուր․ նոր հնարավորություններ՝ հայ զինվորականների համար
