«Մանրամասները մենք պահում ենք փակ»․ ԿԽՄԿ-ն՝ Վագիֆ Խաչատրյանի ձերբակալման մասին
Հասարակություն
«Վագիֆ Խաչատրյանի ձերբակալման նույն օրը մեր պատվիրակները, որոնց թվում էր նաև մեր արտասահմանցի բժիշկ պատվիրակը, նրան տեսակցել են։ Ինչ վերաբերում է մանրամասներին՝ մենք դրանք պահում ենք փակ, սակայն, դրանք քննարկում ենք իշխանությունների հետ, ինչպես նաև հայտնում ենք ընտանիքին»,-այս մասին ԼՈՒՐԵՐ.com-ի հետ զրույցում ասաց Հայաստանում Կարմիր խաչի միջազգային կոմիտեի պատվիրակության հաղորդակցման ծրագրերի ղեկավար Զառա Ամատունին` անդրադառնալով ԿԽՄԿ-ի ներկայացուցիչների այցելությանը Լաչինի միջանցքում ձերբակալված Վագիֆ Խաչատրյանին։
Ամատունու խոսքով` ԿԽՄԿ-ն քայլեր չի ձեռնարկում ձերբակալված անձանց վերադարձի հետ կապված, բայց կշարունակեն Վագիֆ Խաչատրյանին տեսակցել և հետևել իր վիճակին։ Նա հույս հայտնեց, որ դրական արդյունք կլինի․
«Այս պարագայում դեռևս չեմ կարղ հաղորդել կոնկրետ այս դեպքի վերաբերյալ որևէ հանրային տեղեկություն, այս պահի դրությամբ այն, ինչ կարող ենք ասել՝ միայն տեսակցության վերաբերյալ է»,-ասա նա։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
