Ռուսաստանը հրթիռակոծել է Կրիվոյ Ռոգը. կան զոհեր ու վիրավորներ (լուսանկարներ, տեսանյութ)

Ռուսասատանը հուլիսի 31-ին Կրիվոյ Ռոգում հարվածել են բնակելի շենքին և ուսումնական հաստատությանը, ինչպես նաև կրակել են Խերսոնի ուղղությամբ։ Ուկրաինայի նախագահ Վոլոդիմիր Զելենսկին տեսանյութ է հրապարակել ողբերգության վայրից և ցավակցություն հայտնել նրանց, ովքեր կորցրել են իրենց սիրելիներին։

"Երկուշաբթի առավոտ. Ուկրաինայի շրջանները գնդակոծվում են զավթիչների կողմից, որոնք շարունակում են ահաբեկել խաղաղ քաղաքներն ու մարդկանց։ Կրիվոյ Ռոգ, Խերսոն. Հարված՝ բնակելի շենքերին, համալսարանի ուսումնական շենքին։ Ցավոք, կան զոհեր և վիրավորներ։ Փլատակների տակ կարող են մարդիկ լինել։ Ցավակցում եմ բոլորին, ովքեր կորցրել են իրենց սիրելիներին ռուսական ահաբեկչության պատճառով»,- ասել է Զելենսկին։

«Վերջին օրերին հակառակորդը համառորեն հարվածներ է հասցնում քաղաքներին, քաղաքների կենտրոններին։ Քաղաքացիական օբյեկտներն ու բնակարաններն է գնդակոծում։ Բայց այս ահաբեկչությունը մեզ չի վախեցնի և չի կոտրի։ Մենք աշխատում ենք և փրկում մեր ժողովրդին»,- Զելենսկին։

Ներքին գործերի նախարար Իգոր Կլիմենկոյի խոսքով՝ Ռուսաստանը երկու հրթիռով հարձակվել է Կրիվոյ Ռոգի վրա։ Առաջինը հարվածել է ուսումնական հաստատության քառահարկ շենքին։ Ռուսական երկրորդ հրթիռը ոչնչացրել է բազմաբնակարան շենքի չորրորդից իններորդ հարկերի հատվածը՝ հրդեհ առաջացնելով։ Առայժմ հայտնի է, որ որ 5 մարդ է զոհվել Փլատակների տակից դուրս է բերվել երեք դի։