Չինաստանում հորդառատ անձրևների հետևանքով զոհվել է 11, վիրավորվել՝ 44 600 մարդ

Պեկինի 13 շրջաններում հորդառատ անձրևներից տուժել է 44 673 մարդ։ Վատ եղանակի հետևանքով 11 մարդ է զոհվել, հայտնել են տեղի ջրհեղեղների կանխարգելման վարչությունից։
«Եվս 27 մարդ համարվում է անհետ կորած, որոնցից չորսի հետ կապը կորել է փրկարարական աշխատանքների ժամանակ», - նշել են գերատեսչությունում, մեջբերում է ՌԻԱ Նովոստին:

Քաղաքի անապահով շրջաններից տարհանվել է 127 հազար մարդ։ Մինչդեռ ջրհեղեղների վտանգը պահպանվում է։ Պեկինի օդերևութաբանական ծառայությունը անձրևի նախազգուշացումը կարմիրից իջեցրել է նարնջագույնի և դեղինի:

Պեկինի օդերևութաբանական կայանի տվյալներով՝ հուլիսի 29-ի երեկոյից մինչև օգոստոսի 1-ի առավոտը Պեկինում միջինը 260 մմ տեղումներ են եղել։