Արենի Մարկոսյանին 24 ժամ անց հայտնել են, որ նա անցանկալի անձ է և ստիպել են վերադառնալ Լիբանան․ ԱԺ պատգամավոր
Հասարակություն
ԱՄՆ քաղաքացի Արենի Մարկոսյանին ստիպել են վերադառնալ Լիբանան, որտեղից ժամանել էր ՀՀ։ Այս մասին իր ֆեյսբուքյան էջում գրել է «Հայաստան» խմբակցության պատգամավոր Քրիստինե Վարդանյանը։
«Արենի Մարկոսյանին 24 ժամ օդանավակայանում պահելուց, այնտեղ առանց իրերի գիշերել ստիպելուց հետո հայտնել են, որ նա անցանկալի անձ է իր հայրենիքում և ստիպել հետ վերադառնալ Լիբանան, որտեղից ժամանել էր Հայաստան»:
Հիշեցնենք, որ ավելի վաղ պատգամավորը «Զվարթնոց» օդանավակայանից տեսանյութ էր հրապարակել՝ հայտնելով, որ ԱՄՆ քաղաքացի Արենի Մարկոսյանը, արդեն 12 ժամից ավելի չի կարողանում մուտք գործել Հայաստան։ Մարկոսյանը ՀՀ էր ժամանել Լիբանանից և պատրաստվում էր Երևանից ուղևորվել Վաշինգտոն, սակայն նրան թույլ չեն տվել մուտք գործել ՀՀ։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
