Թոմ Քրուզը ցանկանում է վերամիավորվել Սոֆյա Վերգարայի հետ
Լուսանկարներ
Հոլիվուդյան դերասան Թոմ Քրուզը ցանկանում է վերսկսել իր սիրավեպը Սոֆյա Վերգարայի հետ ամուսնու՝ Ջո Մանգանիելոյի հետ բաժանվելուց հետո։ Այս մասին հայտնում է Mirror-ը՝ հղում անելով դերասանին մոտ կանգնած աղբյուրին։
Թոմ Քրուզը և Սոֆյա Վերգարան մի քանի ամիս հանդիպել են 2005 թվականին։ Նրանց սիրավեպն ավարտվեց այն բանից հետո, երբ Քրուզը հանդիպեց դերասանուհի Քեթի Հոլմսին, ում հետ նա ամուսնացած էր 2006-ից մինչև 2012 թվականը: Ըստ ինսայդերի՝ այժմ, երբ Սոֆյա Վերգարան ազատ է, նա ցանկանում է իրենց հարաբերություններին երկրորդ հնարավորություն տալ:
Ինսայդերը հավելել է, որ Թոմ Քրուզին գրավում է Սոֆիայի գեղեցկությունը, և դերասանը վստահ է, որ իրենք կդառնան հոլիվուդյան նոր զույգը։ Ինքը՝ դերասանուհին, ըստ նրա, այդքան էլ վստահ չէ։
Հուլիսի 17-ին Page Six-ը հայտնել էր, որ Սոֆյա Վերգարան և Ջո Մանգանիելոն որոշել են բաժանվել յոթ տարվա ամուսնությունից հետո։
«Մենք ամուսնալուծվելու դժվարին որոշում ենք կայացրել։ Որպես երկու մարդիկ, ովքեր խորապես սիրում և հոգ են տանում միմյանց մասին, մենք խնդրում ենք, որ հարգվի մեր կյանքի գաղտնիության իրավունքը», - ասվում է զույգի հայտարարության մեջ:
Ամենադիտված 
ՀՀ ՊՆ–ն հայտարարություն է տարածել
