Նյու Յորքի կենտրոնում ձերբակալվել է բլոգեր KaiCenat-ը

Ամերիկացի բլոգեր 21-ամյա Քայ Սենատը (KaiCenat) ձերբակալվել է Նյու Յորքի կենտրոնում երկրպագուների հետ հանդիպելուց հետո՝ իր հետևորդների վանդալիզմի պատճառով։ Ըստ New York Post-ի՝ ոստիկանությունը նրան մեղադրանք է առաջադրել անկարգություններ հրահրելու համար։

Բլոգերը ի սկզբանե հայտարարել է, որ նվերներ է տալու իր հետևորդներին Նյու Յորքում Twitch-ի ուղիղ հեռարձակման ժամանակ: Սակայն իրադարձությունն արագ վերածվել է անկարգությունների՝ երիտասարդների և ոստիկանների միջև մշտական ​​բախումներով։

Ըստ NYT-ի՝ Սենատը թերագնահատել է, որ տասնյակ հազարավոր մարդիկ են գալու նրան տեսնելու։ Հրապարակն ու Union Square Park-ը ամբողջությամբ լցվել են հանդիսատեսներով, ովքեր ցանկացել են մոտենալ նրան:

Արդյունքում՝ ուղիղ հեռարձակումն ընդհատվել է, երբ Սենատը փորձել է անցնել երկրպագուների ամբոխի միջով, որոնք արագ շրջապատել են նրան փողոցում։

Այժմ բլոգերը ջնջել է սոցցանցերի բոլոր հրապարակումները, որոնցում նշվում էր Նյու Յորքում հանդիպման մասին։ Նյու Յորքի ոստիկանության բաժանմունքի աշխատակիցն ասել է, որ իրենք անպայման միջոցներ կձեռնարկեն բլոգերի դեմ։

«Մենք շփվում ենք նրա հետ։ Մեր իրավաբանական թիմը հանձնակատարի հետ կքննարկի կատարվածը։ Ապա որոշում կկայացվի բլոգերի հետ կապված»,- հավելել է աշխատակիցը։

Քայ Սենատը ազատ է արձակվել։