Մալթայի հայ համայնքը խաղաղ ցույց է անցկացրել ԱԳՆ–ի շենքի առջև

Մալթայի հայ համայնքը խաղաղ ցույց է անցկացրել արտաքին գործերի նախարարության շենքի առջև։ Մասնակիցներն իրենց աջակցությունն են հայտնել շրջափակման մեջ գտնվող արցախահայությանը և կոչ են արել Մալթայի կառավարությանն օգտագործել իրենց դիվանագիտական ​​ուղիները, նպաստել Լաչինի միջանցքի բացմանը։

«Միջազգային ֆորումներում հաստատուն դիրքորոշում ունենալով՝ Մալթան կարող է վճռորոշ դեր խաղալ Լեռնային Ղարաբաղում տուժած քաղաքացիական անձանց իրավունքների և բարեկեցության պաշտպանության գործում», - ասել են ներկաները։