Քիմ Քարդաշյանին կասկածում են նոր պլաստիկ վիրահատություն կատարելու մեջ

Ամերիկացի գործարար և հեռուստաաստղ Քիմ Քարդաշյանը Բևերլի Հիլզի բժիշկ Դայմոնդի պլաստիկ վիրաբուժության կլինիկայից դուրս գալիս լուսանկարվել է պապարացիների կողմից։ Լուսանկարները հրապարակել է Daily Mail-ը։

Քիմ Քարդաշյանը բազմիցս հերքել է լուրերը, թե ինքը պարբերաբար օգտվում է պլաստիկ վիրաբույժների ծառայություններից։ Allure ամսագրին տված հարցազրույցում «Keeping up with the Kardashians» ռեալիթի շոուի աստղն ասել է, որ իր արտաքինի վրա միակ միջամտությունը հոնքերի միջև ընկած հատվածում բոտոքսի ներարկումն է։

Խմբագրի այն հարցին, թե արդյոք նա ֆիլերներ է ներարկել իր շուրթերին և այտոսկրերին, Քարդաշյանը պատասխանել է. «Երբեք շուրթերիս կամ այտոսկրերիս ֆիլերներ չեմ ունեցել»:

Հեռուստաաստղը նաեւ խոստովանել է, որ համակերպվել է արտաքինի անկատարության հետ, եւ պատմել է, թե իր մարմնի որ հատվածն է «զզվելի» համարում։

«Ես ատում եմ ձեռքերս. դրանք կնճռոտ են և զզվելի: Բայց ես կյանք եմ ապրել, այս ձեռքերով այնքան տակդիր եմ փոխել, այս ձեռքերով գրկել եմ երեխաներիս, այնպես որ համակերպվել եմ դրանց հետ»,- ասել է նա։