Թրևիս Սքոթի շոուի ժամանակ հանդիսատեսները թունավորվել են

Հռոմի հանրահայտ Circus Massimo-ում ամերիկացի ռեփեր Թրևիս Սքոթի համերգի ժամանակ մոտ 60 մարդ թունավորվել է հանդիսատեսի շրջանում ցողված պղպեղի սփրեյից, հայտնում է La 7-ը։

Ըստ ԶԼՄ-ների՝ երկրպագուների անհայտ խումբը սփրեյ է ցողել, որից հետո հանդիսատեսը սկսել է բողոքել գլխացավերից, շնչահեղձությունից ու կոկորդի ցավից։

«Տասը րոպեից ավելի գործնականում չէի շնչում և ոչինչ չէի տեսնում, սարսափելի էր»,- ասել է տուժածներից մեկը։

«Այդ ամենն իմ աչքի առաջ տեղի ունեցավ։ Մի տղա տապալվեց գետնին, բոլորը ծածկեցին իրենց դեմքերը», - պատմում է դեպքի մեկ այլ ականատես:

Այժմ իտալական ոստիկանությունը փնտրում է հանցագործներին և փորձում պարզել դեպքի մանրամասները։