Այգում զբոսնելիս հնգամյա երեխայի վրա հարյուրավոր մեղուներ են հարձակվել
Այլ
ԱՄՆ-ում հինգ տարեկան տղան այգում զբոսնելիս հարձակման է ենթարկվել հարյուրավոր մեղուների կողմից, գրում է Mirror-ը։ Երեխային ստիպված են եղել բժշկական օգնություն տրամադրել։
Ըստ լրատվամիջոցի՝ դեպքը տեղի է ունեցել այն ժամանակ, երբ տղան իր եղբայրների ու քույրերի, տատիկի ու մոր հետ զբոսնելիս է եղել այգում։ Ինչպես պատմել է տուժածի եղբայրը, նա շուռ է տվել գերանը, որի տակից հարյուրավոր մեղուներ են դուրս թռել, որոնք սկսել են խայթել հինգ տարեկան երեխային։
Դեպքի վայր են հրավիրվել բժիշկներ, ովքեր տղային ցուցաբերել են անհրաժեշտ օգնություն։ Երեխայի հայրը պատմել է, որ երկու անծանոթներ փորձել են որդուն փրկել մեղուների պարսից, սակայն միջատները չեն նահանջել։
«Մոտակայքում մի կին կար, նա աշխատում է որպես փրկարար լողավազանում և թույլ է տվել երեխաներիս նստել իր մեքենայի հետևի նստատեղին։ Ես կցանկանայի շնորհակալություն հայտնել նրան դրա համար», - հավելել է տղամարդը:
Ավելի ուշ բժիշկները հայտնել են, որ երեխայի մարմնի վրա մեղվի խայթոցի 40 հետք է եղել։
ՈՒՂԻՂ ԵԹԵՐ
Ամենադիտված 
«Նուբարաշեն» ՔԿՀ-ում հայտնաբերվել է մանկապղծության համար դատապարտված տղամարդու մարմինը
