Քիմ Քարդաշյանը դարձել է Marc Jacobs-ի գովազդային դեմքը (լուսանկարներ)

Քիմ Քարդաշյանը դարձել է Marc Jacobs նորաձևության տան նոր դեմքը և նկարահանվել է աշուն-ձմեռ հավաքածուի գովազդային արշավում։ Լուսանկարներում 42-ամյա Քիմը ցուցադրում է բրենդի նոր մոդելները՝ կետավոր կոմբինեզոն, ջինսե բաճկոն և պլատֆորմով կրունկներով կոշիկներ, որոնք դարձել են ամերիկյան ապրանքանիշի առանձնահատկությունը:

Քիմի մասնակցությամբ նոր գովազդային արշավը, որը հրապարակվել է Marc Jacobs նորաձեւության տան Instagram-յան էջում, դրական արձագանք չի ստացել ապրանքանիշի երկրպագուների կողմից։ Չնայած այն հանգամանքին, որ Քարդաշյանը ազդեցություն ունի նորաձևության ոլորտում, նա եղել է Dolce & Gabbana-ի վերջին հավաքածուի կրեատիվ տնօրենը, մեկ անգամ չէ, որ համագործակցել է Balenciaga-ի և այլոց հետ, երկրպագուները դժգոհ են դիզայների ընտրությունից և բառացիորեն ողողել են ապրանքանիշի սոցիալական ցանցերը հայտարարություններով։ 

«2023 թվականն է։ Միգուցե մենք կունենա՞նք նոր դեմքեր», «Տեղյա՞կ ես, որ քեզ թույլատրվում է աշխատել ոչ միայն Քրիս Ջենների մոդելների հետ», «Սխալ ընտրություն, եթե պատրաստվում ես վերակենդանացնել քո ապրանքանիշն ու անունը,։ «Հետաքրքրված չեմ։ Չեմ գնի», «Հուսով եմ, որ նա կտեսնի այս բոլոր բացասական մեկնաբանությունները։ Ոչ ոք չի սիրում նրան և նրա ինքնասիրահարված փողի քաղցով տառապող ընտանիքին», «Ես սիրում եմ քեզ, Մարկ Ջեյքոբս, բայց բավական է այդ աղջկան ցուցադրեք, խնդրում եմ», «Այս կնոջ կողմից ավերված ևս մեկ բրենդ»,- գրել են օգտատերերը նոր գովազդային արշավի հրապարակման տակ։