Էդ Շիրանը հայտնել է, որ աշխատելու է Lego խանութում

32-ամյա երգիչ Էդ Շիրանը անակնկալ կերպով հայտնվել է Մինեսոտա նահանգի Mall of America  առևտրի կենտրոնում գտնվող Lego խանութում։ Այդ մասին գրում է People-ը։

Կատարողը հագել է Lego խանութի աշխատակցի համազգեստը և օգնել երեխաներին ընտրել շինարարական հավաքածուներ։ Շիրանը Instagram-ում հայտնել է, որ Lego-ի հավաքածուներ և ինքնագրեր է բաժանում, ինչպես նաև լուսանկարվում է որոշ երկրպագուների հետ։

«Ես այստեղ եմ` Մինեսոտայի America առևտրի կենտրոնում, և կրում եմ իմ Lego հագուստը: Ես աշխատելու եմ` որպես աղյուսի և շաղախի մասնագետ Lego խանութում և երգելու եմ Lego House-ը, - ասել է Շիրանը:

Ավելի ուշ Էդ Շիրանը բեմ է բարձրացել առևտրի կենտրոնում և կատարել Lego House երգի ակուստիկ տարբերակը:

Շիրանը հայտնվում է ամենաանսպասելի վայրերում։ Անցյալ ամիս նա կանգնած էր Չիկագոյում գտնվող The Wieners Circle հոթ-դոգի ստենդի վաճառասեղանի հետևում:

Հունիսին Էդ Շիրանը ճանաչվել է Մեծ Բրիտանիայի 2022 թվականի ամենահայտնի արտիստը Phonographic Performance Limited-ի (PPL) կողմից։ Երաժիշտն առաջին անգամ մտել է PPL-ի ամենահայտնի արտիստների հնգյակը 2012 թվականին, երբ թողարկեց «+» ալբոմը։