Հավայան կղզիներում անտառային հրդեհներից ավելի քան 100 մարդ է զոհվել (լուսանկարներ, տեսանյութ)
ՏեսանյութերՀավայի նահանգի Մաուի կղզում անտառային հրդեհների զոհերի թիվը գերազանցել է 100-ը, հայտնում է Tengrinews.kz-ը՝ Maui Now-ին հղումով։
Հրդեհների զոհերի թիվը այժմ հասել է 106-ի, մոտ 1300 մարդ համարվում է անհետ կորած:
Մաուի և Մեծ կղզիներում անտառային հրդեհները սկսվել են չոր և շոգ եղանակի հետևանքով և սրվում են «Դորա» փոթորկի բերած ուժեղ քամիների պատճառով: Որոշ հրդեհներ ծածկում են 400 հա տարածք։ Հրդեհները ոչնչացրել են մի քանի բնակավայր, այդ թվում՝ հայտնի զբոսաշրջային Լահայնա քաղաքը։ Իշխանությունները ստիպված են փակել ճանապարհները, հասարակական տրանսպորտը չի աշխատում։ Տեղի հարյուրավոր բնակիչներ տարհանվել են։
ԱՄՆ նախագահ Ջո Բայդենը հրամայել է Հավայան կղզիների բոլոր դաշնային գործակալություններին, այդ թվում՝ զինվորականներին, միանալ հրդեհների դեմ պայքարին։ Պենտագոնն ավելի վաղ հայտնել էր, որ Ազգային գվարդիայի զինվորներն ու ուղղաթիռները ներգրավված են տեղական իշխանություններին օգնելու գործում:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
