Ադրբեջանի հերթական միֆը. Բաքվի բնակչությունը 2030թ-ին կգերազանցի 3,5 մլն-ը

Վերջին լուրեր 3 Նոյեմբեր, 2012 23:11

«Մեծ Բաքվի տարածաշրջանային զարգացման պլանի» երկրորդ հանրային լսումների ժամանակ, որի շրջանակներում ներկայացվել է մինչև 2050 թվական Բուլվարի զարգացման հայեցակարգը, նշվել է, որ մինչ 2030թ. բնակչության թվաքանակը կկազմի առնվազն 3 մլն 345 հազար 282 մարդ, իսկ առավելագույնը՝ 3 մլն 629,361 հազար մարդ, հաղորդում է Ադրբեջանի վիճակագրական ծառայությունը: Հարկ է նշել, որ թվաքանակը վերաբերում է միայն Ադրբեջանի Հանրապետության մայրաքաղաքին:

Ուշագրավ է, որ նման հայտարարությունները հնչում են միայն ադրբեջանական պաշտոնական լրատվամիջոցների հաղորդագրություններով, որոնք, ինչպես հայտնի է, ուղղորդվում և համակարգվում են Ալիևին սպասարկող կենտրոնների կողմից: Ադրբեջանի նմանօրինակ հերթական միֆը խիստ կասկածի տակ է դրվում այն դեպքում, երբ երկրում ուղղակի ծաղկում է կոռուպցիան, շրջանների բնակչության հիմնական մասը աղքատության ցուցանիշներ է գրանցում, երբ երկրի ողջ ենթակառուցվածքները, նավթային ռեսուրսներն ուղղակի շահույթ են բերում Ալիևների ընտանիքին ու նրանց նստավայր Բաքվի ընդամենը արտաքին տեսքին:

Հատկանշական է, որ ալիևյան վարչակարգը շտապելով հայտարարել է 2030թ.-ի նմանօրինակ Աճ-ի մասին, սակայն հաշվի չի առել, որ արդեն վաղուց միջազգային հանրության ուշադրության կենտրոնում է երկրի ներսում բնակվող ազգային փոքրամասնությունների՝ թալիշների, ավարների, լեզգիների իրավունքների խախտման և վերջիններիս նկատմամբ իրականացվող էթնիկ զտումների մասին օբյեկտիվ փաստերի առկայությունը:

Այն դեպքում, երբ միջազգային փորձագետները կանխատեսում են Ադրբեջանի Հանրապետության ներսում ժողովրդագրական զարգացման հետընթաց, այդ թվում՝ երկրի ներսում էթնիկ զանգվածների միգրացիա, ալիևյան բանահյուսության վարպետները նոր միֆեր են նկարում զանգվածային լրատվամիջոցներում…ընդհուպ անգամ հավատալով….