Մոլդովան և Թուրքիան վերացնում են երկկողմ մուտքի անցագրային ռեժիմը

Անկարայում միջկառավարական հանդիպման ընթացքում Մոլդովան և Թուրքիան ստորագրել են համաձայնագիր, որի համաձայն՝ երկկողմ վերացվում է մուտքի անցագրային ռեժիմը: Թուրքական Hurriyet daily գործակալության հաղորդմամբ՝ Մոլդովայի վարչապետ Վ. Ֆիլատն իր խոսքում նշել է, որ համաձայն այդ որոշման՝ առավել կհեշտացվի Մոլդովայի և Թուրքիայի քաղաքացիների մուտքը նշյալ երկրներ:

Ըստ համաձայնագրի կետերի՝ եթե երկու երկրների քաղաքացիների մուտք գործելու ժամկետը գերազանցի 90 օրը, այդ ժամկետից հետո նոր իրավունք են ունենալու ստանալ մուտքի անցագրի կնիքը: Ըստ Վ.Ֆիլատի՝ ներկայումս բավականին ակտիվ են երկու երկրների միջև տարբեր ոլորտներում համագործակցության եզրերը, և վերը նշված քայլը պարզապես խթան կհանդիսանա լայնացնել երկկողմ հարաբերությունների մակարդակը: Իր հերթին Ռ.Թ.Էրդողանը, բարձր գնահատելով կողմերի նախաձեռնությունը, ընդգծել է, որ թուրքական կողմը լուրջ հեռանկարներ ունի Մոլդովայի հետ ակտիվացնել հարաբերությունները, մասնավորապես, տնտեսության, էներգետիկայի և զբոսաշրջության ոլորտներում: