Արքայազն Հարրին և Չարլզ III-ը խաղաղ բանակցությունների ամսաթիվ են սահմանել

Մեծ Բրիտանիայի թագավոր Չարլզ III-ը Լոնդոնում կհանդիպի իր կրտսեր որդուն՝ արքայազն Հարրիին, գրում է OK!-ը՝ հղում անելով Բուքինգհեմյան պալատի աղբյուրին:

Ինսայդերի տվյալներով՝ Չարլզ III-ի և արքայազն Հարիի «խաղաղ բանակցությունները» տեղի կունենան սեպտեմբերի 17-ին։ Սասեքսի դուքսը Լոնդոն կժամանի Դյուսելդորֆից, որտեղ սեպտեմբերի 16-ին հանդես կգա՝ որպես նախկին զինվորականների Invictus Game մրցույթի հաղորդավար։ Միաժամանակ, Չարլզ III թագավորը Բալմորալում գտնվող իր շոտլանդական կալվածքից կվերադառնա Մեծ Բրիտանիայի մայրաքաղաք։

«Թագավորը հետաձգել է իր պաշտոնական այցը Ֆրանսիա սեպտեմբերի 20-ին, ուստի նա մի քանի ազատ օր ունի Լոնդոնում՝ իր որդուն հանդիպելու համար: Այս պահին աշխատակիցները փորձում են ճշտել այս հանդիպման մանրամասները»,- ասել է աղբյուրը։

Ինսայդերը հավելել է, որ չնայած այն հանգամանքին, որ Մեգան Մարքլը ուղեկցելու է ամուսնուն Գերմանիա այցի ժամանակ, նա չի հրավիրվել Չարլզ III-ի հետ հանդիպմանը։

Արքայազն Հարրին վերջին անգամ տեսել է իր հորը, երբ նա մեկնել էր Չարլզ III-ի թագադրմանը 2023 թվականի մայիսին: Հարրին 28 ժամ անցկացրել է Մեծ Բրիտանիայում և թագադրումից անմիջապես հետո մեկնել է ԱՄՆ՝ Մեգանի և երեխաների մոտ։