Բերում ենք մեր սրտագին մասնակցությունն այս ուրախությանը․ Սյունյաց թեմի շնորհավորանքը Վեհափառին

Սյունյաց թեմի առաջնորդական տեղապահի շնորհավորանքը՝ Ամենայն Հայոց Կաթողիկոսի ծննդյան տարեդարձի առթիվ․

«Այս հանդիսավոր և ուրախալի օրը, երբ հայ հոգևոր ողջ դասն ու հավատացյալ ժողովուրդը արժանավայել կերպով պատվում են Զերդ սիրեցյալ Սրբությանը և նշում Հայրապետիդ ծննդյան տարեդարձը, մենք ևս Սյունյաց թեմից բերում ենք մեր սրտագին մասնակցությունն այս ուրախությանը՝ հղելով մեր անկեղծ և ջերմագին շնորհավորանքները։

Մեր երկնառաք աղոթքների ուժով մաղթում ենք, որ Աստված Զեզ պարգևի քաջառողջություն և աստվածային ճշմարտության խոսքը քարոզելու երկարատև տարիներ՝ մշտապես ծաղկյալ պահելով Վեհիդ Հայրապետական գավազանը՝ ի բարօրություն Զերդ Սրբության խնամքին հանձնված քրիստոնյա զավակների»։

Մակար վրդ. Հակոբյան

Սյունյաց թեմի առաջնորդական տեղապահ