Արսեն Թորոսյանը սեփական «աչքի գերանը» չի տեսնում

Երեկ բավական ուշագրավ գրառում էր արել առողջապահության նախկին նախարար, ԱԺ պատգամավոր Արսեն Թորոսյանը, ով նշել էր, թե Գյումրիում հանգստանալիս գիշերը ճռռիկ տվող Նիվայի է ականատես եղել: Վերջինս հոխոռտում էր, որ նման վարքագիծ դրսևորելով՝ հասնելու ենք նրան, որ մարդիկ Հայաստանից գնան և իրենց ծանոթներին անգամ խորհուրդ չտան այցելել մեր երկիր: Կարճ ասած՝ Թորոսյանի դարդ ու ցավը Հայաստանի տուրիստական գրավչությունն է և այն, որ մենք այդպես էլ օրենքի երկիր չդարձանք:

Զավեշտը կայանում է նրանում, որ օրենքի գերակայությունից է խոսում մի պաշտոնյա, ում անունը շոշափվել է մի քանի կոռուպցիոն սկանդալների մեջ, ով հարազատ կնոջ ԲԿ-ին պետպավերներ էր իջեցնում և յուրայիններին դասավորում աշխատանքի՝ իր ղեկավարած կառույցում: Հարց է առաջանում՝ իսկ Արսեն Թորոսյանի սիրտը չի՞ ցավում իր կողմից վարի տված առողջապահական համակարգի, քովիդի հազարավոր զոհերի համար, թե պարզապես առիթ է գտել հերթական անգամ իր մասին հիշեցնելու համար: Ինչ խոսք՝ ստացվեց: Սակայն, ավելի ճիշտ կլիներ, եթե օրենքի գերակայությունը հարգելն Արսեն Թորոսյանը սկսեր հենց իրենից և այնուհետև հաթաթա տար մյուսներին...