Եվրոպայի քրդերը Բրյուսելում աննախադեպ ցույցերով են դիմավորել Էրդողանին

Բրյուսելաբնակ Սոնա Արշունեցին facebook սոցցանցի իր էջում գրել է.

«Մեծ, շատ մեծ հանրահավաք էր այսօր Բրյուսելում. 2 ժամից ավել փակ էին գլխավոր ու հարակից փողոցները... Կանգնած մայթի վրա ներքուստ  ուրախանում էի, ուրախանում էի, որ ցույցը Բրյուսել կատարած Թուրքիայի վարչապետ էրդողանի այցի դեմ էր ուղղված. Մեծամասնությունը քրդերն էին, դրոշների հեղեղ էր. դրոշների վրա Օջալանի մեծադիր նկարով: Դեռ այսքան մեծաթիվ հանրահավաք ես չէի տեսել Բրյուսելում: Հանրահավաքին մասնակցում էին, ոչ միայն Բելգիայի քրդերն, այլ ողջ Եվրոպայի: Երթը ուղեկցվում էր վանկարկելով,-
Թուրքիան մարդասպան, ազատություն Օջալանին, Մեծ Քրդաստան...Քրդական հայրենասիրական երգի ուղեկցությամբ...

Ցուրտ էր, սառը անձրև, բայց ոգով ամուր նրանք վանկարկում էին իրենց կարգախոսները, ծածանելով դրոշները...
Նայում էի ու նախանձում, նախանձում, որ մենք չունենք այդ համախմբվածությունը, պահը ճիշտ ընտրելու, բռունցք դառնալու: Մենք մեր ազգային խնդիրները հիշում ենք միայն ապրիլի 24-ից 24-ը»: