Շարլիզ Թերոնը քննադատել է հոլիվուդյան գեղեցկության չափանիշները

Շարլիզ Թերոնը կարծում է, որ Հոլիվուդում 40-ն անց դերասանների նկատմամբ գեղեցկության երկակի ստանդարտներն անարդար են: Այս մասին դերասանուհին պատմել է Allure ամսագրին։

48-ամյա դերասանուհին ասել է, որ արհամարհում է այն գաղափարը, որ տղամարդիկ «ծերանում են ինչպես լավ գինիները», իսկ կանայք՝ ինչպես «կտրված ծաղիկները»:

«Ես նաև կարծում եմ, որ կանայք ցանկանում են ծերանալ այնպես, ինչպես ճիշտ են համարում: Կարծում եմ, որ մենք պետք է մի փոքր ավելի զգայուն լինենք, թե ինչպես ենք մենք բոլորս ապրում մեր կյանքը»,- ասել է Թերոնը։

Դերասանուհու խոսքով՝ իրեն դուր են գալիս իր արտաքին տեսքի հետ տեղի ունեցող տարիքային փոփոխությունները։

«Մարդիկ կարծում են, որ դեմքս ձգել եմ: Ասում են՝ ի՞նչ է արել իր դեմքի հետ։ Մտածում եմ՝ «Ես ուղղակի ծերանում եմ»։ Սա չի նշանակում, որ վատ պլաստիկ վիրահատություն եմ կատարել։ Սա հենց այն է, ինչ տեղի է ունենում»,- ասել է Շարլիզ Թերոնը:

Շարլիզ Թերոնը նաեւ նշել է, որ այլեւս չի գիրանա դերի համար, քանի որ տարիների ընթացքում իր համար ավելի դժվար է դարձել այն կորցնելը։