ԱՄՆ-ում տղամարդը աֆրիկյան ցուլ է տեղափոխել ուղևորի նստարանին (տեսանյութ)

ԱՄՆ Նեբրասկա նահանգում ոստիկանները մեքենա են կանգնեցրել, որի ուղևորի նստարանին հսկայական աֆրիկյան ցուլ է եղել։  Այս մասին հայտնում է The Guardian-ը։

Ականատեսները ոստիկանությանը հայտնել են, որ տղամարդը մեքենայի առջևի նստարանին տեղափոխում է հսկայական աֆրիկյան վատուսի ցուլ՝ հսկա եղջյուրներով։

Տպավորիչ տեսարանը վախեցրել է վարորդներին, մարդիկ մտավախություն են ունեցել, որ փոխադրման նման եղանակը կարող է վտանգավոր լինել մյուս վարորդների համար։

Ցուլի տերը, պարզվել է, տեղի բնակիչ է, նրան նախազգուշացում են արել, ոստիկանները տղամարդուց պահանջել են անհապաղ հեռանալ բանուկ մայրուղուց։