Օգոստոսի 28-ից սեպտեմբերի 3-ը հայտնաբերվել և այրվել է 12 տոննա կանեփի և 4,5 կգ կակաչի վայրի զանգված

Տեսանյութեր 5 Սեպտեմբեր, 2023 10:25

Շարունակվում է «Կանեփ-կակաչ-2023» համալիր օպերատիվ-կանխարգելիչ միջոցառումը, որի նպատակն է` շրջանառությունն արգելված թմրամիջոցներ պարունակող մշակած կամ վայրի աճած բույսերի հայտնաբերումն ու ոչնչացումը, ինչպես նաև թմրամիջոցների անօրինական շրջանառության դեպքերի կանխումը, հայտնաբերումն ու բացահայտումը: Հայտնում են ՆԳՆ ոստիկանական ծառայությունից։
Օգոստոսի 28-ից սեպտեմբերի 3-ն ընկած ժամանակահատվածում հանրապետության տարածքում հայտնաբերվել և այրման միջոցով ոչնչացվել է ավելի քան 12 տոննա կանեփի և 4,5 կգ կակաչի վայրի աճած զանգված:
Տնամերձ 23 հողամասում հայտնաբերվել է կանեփի 611 բույս:
Օպերատիվ տեղեկությունների իրացման արդյունքում անցած շաբաթվա ընթացքում ապօրինի թմրաշրջանառությունից առգրավվել է 8391 գրամ մարիխուանա, մոտ 22 գրամ մեթամֆետամին, 144 գրամ հերոին, մոտ 5 գրամ սփայս, 10 մլ մեթադոն և 0,42 գրամ սուբուտեքս:
Ձեռնարկված օպերատիվ-հետախուզական միջոցառումների և բացատրական աշխատանքի արդյունքում հայտնաբերվել է տարբեր տրամաչափի 1013 փամփուշտ, երեք նռնակ ու նռնակի չորս պայթուցիչ, 1 պահեստատուփ, երկու ինքնաձիգ, մեկ հրացան:
Միջոցառումների արդյունքում նաև հայտնաբերվել է 13 հետախուզվող:
«Կանեփ-կակաչ-2023» համալիր օպերատիվ-կանխարգելիչ միջոցառումը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: