Ուկրաինայի ԱԳ նախարարը Բլինկենի հետ նախաճաշել է McDonald's-ում (տեսանյութ)

Ուկրաինայի արտաքին գործերի նախարար Դմիտրի Կուլեբան ԱՄՆ պետքարտուղար Էնթոնի Բլինկենին պատմել է, թե ինչպես է «խումհար» McDonald's-ում նախաճաշել, երբ ուսանող էր։ Քաղաքական գործիչների զրույցի տեսագրությունը հրապարակել է C-SPAN-ի PR տնօրեն Հովարդ Մորթմանը։

Կադրերում երևում է, որ Բլինկենը և Կուլեբան նստած են արագ սննդի ռեստորանի սեղանի մոտ, իսկ դիմացը պատվերների սկուտեղ է: Կուլեբան, զրուցելով Բլինկենի հետ, ուտում է տապակած կարկանդակ քաղցր միջուկով, իսկ պետքարտուղարը՝ կարտոֆիլ ֆրի։

Քաղաքական գործիչները հաստատություն են այցելել Բլինկենի՝ Կիև կատարած այցի ժամանակ, գրում է Washington Examiner-ը։ Կուլեբան ասել է Բլինկենին, որ իր «լավագույն խումհարը» McDonald's այցելելն էր: Պետքարտուղարն, ի պատասխան, վստահություն է հայտնել է, որ դա նախարարի հետ տեղի է ունեցել «չափազանց հազվադեպ»։

«Ես գնում էի McDonald's, այնտեղ գնում էի կրկնակի չիզբուրգեր և մեծ կոլա, և դա իմ «խումհարային» նախաճաշն էր», - շարունակել է Կուլեբան: Բլինկենը պատասխանել է, որ ինքը երբեք դա չի արել։

Բլինկենը պաշտոնական այցով Կիև է ժամանել սեպտեմբերի 6-ին: Ինչպես հայտնում է The Washington Examiner-ը, նա Ուկրաինայի մայրաքաղաքում կմնա երկու օր։ Սպասվում էր, որ այցի ընթացքում Բլինկենը կհայտարարի «Ավելի քան 1 միլիարդ դոլարի ԱՄՆ-ի՝ Ուկրաինային նոր ֆինանսավորման մասին», գրում է ABC-ն՝ վկայակոչելով ԱՄՆ Պետդեպարտամենտի բարձրաստիճան պաշտոնյային: Այս մասին Վաշինգտոնը հայտարարել է Բլինկենի ուղևորության առաջին օրը։