Հայտնի է՝ ինչ գույներով հասանելի կլինի iPhone15-ը

Apple-ն արդեն հայտարարել է սեպտեմբերի 12-ին նախատեսված հատուկ միջոցառման մասին։ Միջոցառմանը նախատեսվում է ներկայացնել նոր ապրանքներ, այդ թվում՝ iPhone 15-ը, Apple Watch Series 9-ը և մի քանի նոր աքսեսուարներ: Հետաքրքիր է, որ Bloomberg-ի տեղեկությունների համաձայն, այս նոր ապրանքներից մի քանիսը կարող են ձեռք բերել միջոցառման հաջորդ օրը։
Սովորաբար Apple-ի նոր սարքերը պատվիրելու համար հասանելի են դառնում հայտարարությունից մեկ շաբաթ անց և որոշ ժամանակ անց նոր հայտնվում խանութներում: Այնուամենայնիվ, ըստ տեղեկությունների, Apple-ը կարող է թույլ տալ գնել իր որոշ սարքեր արդեն սեպտեմբերի 13-ին:

iPhone 15-ի շնորհանդեսը նախատեսված է սեպտեմբերի 12-ին, և սովորաբար նոր սմարթֆոնները հայտնվում են հայտարարությունից մոտ 10 օր հետո։ Այսպիսով, ակնկալվում է, որ iPhone 15-ը գնման համար հասանելի կլինի 2023 թվականի սեպտեմբերի 22-ից։

iPhone 15-ը գնորդին կառաջարկվի չորս մոդելով՝ ստանդարտ, iPhone 15 Plus, iPhone 15 Pro և  iPhone 15 Pro Max: 

iPhone 15-ը հասանելի կլինի սպիտակ, սև, դեղին, վարդագույն և բաց կապույտ երանգներով, իսկ iPhone 15 Pro-ն և Pro Max-ը՝ սև, սպիտակ, մոխրագույն, մուգ կապույտ գույներով: