«Ռոմնիին հետաքրքրում են ադրբեջանական նավթային ռեսուրսները». Ռիչարդ Կիրակոսյան

ԱՄՆ-ում գործող Historyoftruth գործակալության հաղորդմամբ՝ քաղաքական վերլուծաբան Ռիչարդ Կիրակոսյանը լրագրողների հետ ունեցած ճեպազրույցի ընթացքում, իր գնահատականը տալով ԱՄՆ-ում ս.թ. նոյեմբերի 6-ին կայանալիք ընտրություններին և նախագահի երկու թեկնածուներին, նշել է, որ անկախ այն փաստից, թե ով է ընտրվելու ԱՄՆ նախագահի պաշտոնում, մի փաստ ակնհայտ է՝ հայ-ամերիկյան հարաբերություններում որևէ էական փոփոխություններ չեն ակնկալվում: Վերջինիս կարծիքով՝ ի տարբերություն ներկայիս նախագահի, Մ.Ռոմնին իր հայացքներով առավելապես մոտ կլինի ադրբեջանամետ քաղաքականությանը, քանի որ վերջինին իրականում գրավում են նշյալ երկրի էներգետիկ աղբյուրները և նավթային ռեսուրսները: Ի տարբերության Մ.Ռոմնիի՝ ադրբեջանական նավթի նկատմամբ ունեցած անձնական հետաքրքրության, Բ.Օբաման առավել հակված է Ադրբեջանում էներգետիկ բիզնես նախագծերին և պաշտոնական Բաքվի հետ սերտ համագործակցությանը:

Առավել ընդգծելով երկու թեկնածուների տարբերությունը՝ վերլուծաբանը հավելել է, որ, ի տարբերություն Բ.Օբամայի, Մ.Ռոմնիին պակասում է տարածաշրջանում ռազմական անվտանգության պահպանման և դրա ռազմավարության մշակման փորձը:

Կիրակոսյանը, փորձելով զուգահեռներ անցկացնել արևմտյան և ՀՀ ընտրությունների միջև, ընդգծել է, որ ՀՀ-ում նախագահական ընտրապայքարը առավելապես ընթանում է անձերի միջև, իսկ ԱՄՆ-ում՝ հիմնականում կուսակցական գաղափարախոսությունների միջև: