Մեքսիկայի Կոնգրեսում լսումների ժամանակ «այլմոլորակայինների մարմիններ» են ցուցադրվել (տեսանյութ)
ՏեսանյութերՄեքսիկայի Կոնգրեսում լսումների ժամանակ ցուցադրվել են «այլմոլորակային էակների» մարմիններ։ Ենթադրաբար, «այլմոլորակայինները» մոտ հազար տարեկան են, և նրանց ԴՆԹ-ի մեկ երրորդը անհայտ ծագում ունի, հայտնում է Daily Mail-ը։
ՉԹՕ-ի մասնագետ–լրագրող Ջեյմե Մաուսանը հայտարարել է, որ մարմինները «մեր էվոլյուցիայի մաս չեն կազմում»: Նրա խոսքով՝ պերուական Կուսկո քաղաքում՝ ինկերի հնագույն մայրաքաղաքում, հայտնաբերվել են երկու մումիֆիկացված դի՝ երկարաձգված գանգերով, առանց ատամների և երեք մատ ունեցող ձեռքերով։ Ենթադրվում է, որ «այլմոլորակայինների» մարմինները հայտնաբերվել են դիատոմիտի հանքավայրում։
Կոնգրեսում նաև ցույց են տվել դիակների ռենտգենյան լուսանկարները. մեկի ներսում հայտնաբերել են մի քանի «ձու», իսկ երկրորդում՝ իմպլանտներ՝ պատրաստված հազվագյուտ մետաղներից, ինչպիսիք են կադմիումը և օսմիումը:
«Արդյոք նրանք այլմոլորակայիններ էին, թե ոչ, մենք չգիտենք, բայց նրանք խելացի էին և ապրում էին մեզ հետ: Մենք միայնակ չենք այս հսկայական տիեզերքում, մենք պետք է ընդունենք այս իրականությունը», - ասել է Մաուսանը:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
