Ոչ պետական բուհերի ուսանողները՝ հաշմանդամ երեխաների և երիտասարդների կողքին
Վերջին լուրեր
Նոյեմբերի 6-ին՝ ժամը 14.00, Հայաստանի երիտասարդական հիմնադրամը և «Ոչ պետական բուհերի ուսանողական կենտրոն» ՀԿ-ն հրավիրում են «Փրկություն» հաշմանդամ երեխաների և երիտասարդների կենտրոն (Չեխովի 33՝ «Միկա» մարզադահլիճի հարևանությամբ): «Մենք կարող ենք միասին» բարեգործական ծրագրի շրջանակներում ուսանողները «Փրկություն» հաշմանդամ երեխաների և երիտասարդների կենտրոնի շահառուների համար նախատեսել են համերգային ծրագիր։ Նրանց կողջունեն ոչ պետական բուհերի շնորհալի ուսանողները, մուլտֆիլմերի հերոսները։ Ֆիզիկական և մտավոր խնդիրներ ունեցող երեխաներին ուսանողները կնվիրեն քաղցրավենիք, գրենական պիտույքներ, հագուստ, զարգացնող խաղեր։
Բարեգործական այս ծրագրի նպատակն է նպաստել հաշմանդամ երեխաների և երիտասարդների հոգևոր ու մշակութային զարգացմանը, նրանց ինտեգրմանը հասարակություն։ Բացի այդ, ոչ պետական բուհերի ուսանողները ծրագրի շնորհիվ կիրազեկվեն հաշմանդամություն ունեցող հասակակից երիտասարդների հիմնախնդիրներին ու կդառնան դրանց լուծման անմիջական մասնակիցը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
