The Daily Telegraph. Իրանը կրկին կասեցրել է միջուկային իր ծրագիրը. Սա խուճապի առի՞թ է (լուսանկար)

Իրանի միջուկային ծրագիրը կարծես հասել է ևս մեկ ուղենշի. գրում է The Daily Telegraph-ը:

Բրիտանական թերթի լրագրող Դեվիդ Բլերը ներկայացնում է երկու հետաքրքիր պահ այս նորության մեջ: Նախ ոչ ոք խուճապի մեջ չի ընկնում այս նորության պատճառով: Ֆորդոու գործարանի զարգացումը դիտարկվում է որպես Իրանի միջուկային ծրագրի ամենաանհանգստացնող գործոնը: Դա էլ այն պատճառով, որ այս գործարանը կառուցված է այնքան խորը (80մ., տե՛ս լուսանկարը), որ այն գրեթե անձեռնմխելի է հարձակման դեպքում, գոնե Իսրայելի օդուժի կողմից: Սա էլ դրդել էլ Իսրայելի պաշտպանության նախարար Էհուդ Բարակին խոսել Իրանի՝ «անձեռնմխելիության գոտի» մտնելու մասին:

Բայց այժմ այդ մասին այլևս այդքան չի խոսվում: Փոխարենը, Բարաքն իր հարցազրույցում բացահայտել է, որ Իրանի որոշումը՝ փոխակերպել իր հարստացված ուրանի մեծ մասը անվնաս վառելիքային նյութերի, հերթական «ութից տասը ամիսն է» ավելացրել միջուկային ծրագրին:

Երկրորդ հերթին այն, որ եթե այս սարքերը տեղադրվել են, դա չի նշանակում, որ դրանք գործում են: Ահա մյուս հետաքրքիր պահը. ՄԱԷԳ վերջին զեկույցը ցույց տվեց, որ 2140 սարքերից միայն 696-ն են գործածվում Ֆորդոու գործարանում ուրանի հարստացման համար: Փետրվարից ի վեր այս թիվը մնացել է նույնը: Այսպիսով Իրանն իր սարքերի մեծ մասը դեռ չի օգտագործել: