Դիարբեքիրում 97 տարի անց հնչեց հայկական եկեղեցու ղողանջները. Hurriyet

32 տարի անց բացվել է Դիարբեքիրի արևելյան շրջանում գտնվող Սբ. Կիրակոս հայկական եկեղեցին, գրում է թուրքական Hurriyet-ը՝ վկայակոչելով Դողան լրատվական գործակալությանը:

Եկեղեցու զանգակատունը ոչնչացվել էր 1915թ., քանի որ այն ավելի բարձր էր քան շրջակայքում գտնվող մզկիթների բոլոր մինարետները: Բնօրինակին նման մի զանգ վերականգնվել է և հնչել է 97 տարվա լռությունից հետո:

Առաջին ծիսակատարությունն անց կացվել են երկուշաբթի օրը՝ Թուրքիայի փոխպատրիարք Արամ Աթեշչյանի կողմից, ով խաղաղության և երկխոսության կոչ է արել երկու հավատների միջև:

Հիշեցնենք, որ վերակառուցման նախագիծը սկսվել է 2010թ.՝ Սբ. Կիրակոս հայկական եկեղեցու հիմնադրամի կողմից, ինչպես նաև Դիարբեքիրի քաղաքապետարանի դրամաշնորհների միջոցով: