Նախատեսվում է Եգիպտոսի նախագահի այցը Ռուսաստան
Վերջին լուրեր
Եգիպտոսի նախագահ Մոհամեդ Մորսին ընդունել է նախագահ Վլադիմիր Պուտինի հրավերը` այցելել Ռուսաստան մոտ ապագայում. հայտնում է ИТАР ТАСС-ը:
Այցելելու հրավերը Եգիպտոսի նախագահին փոխանցել է Ռուսաստանի արտգործնախարար Սերգեյ Լավրովը վերջինիս հետ նոյեմբերի 5-ի հանդիպման ժամանակ:
Հաղորդագրությունը վերահաստատում էր «անհապաղ համագործակցության Ռուսաստանի պատրաստակամությունը տարբեր ոլորտներում` առևտուր, արտադրություն և գիտություն» և մատնանշում «Եգիպտոսի հետ համակարգելու խնդիրը Սիրիայի և պաղեստինյան զարգացումների հարցում»:
«Նախագահ Մորսին ընդունել է հրավերն այցելել Ռուսաստան մոտ ապագայում և նշել է Ռուսաստանի հետ առանձնահատուկ հարաբերությունների կարևորությունը, ինչպես նաև Մոսկվայի կողմից իր միջազգային ազդեցությունն օրգտագործելու անհրաժեշտությունը Մերձավոր Արևելքում որոշ հարցերի շուրջ բանաձևեր ընդունելիս, մասնավորապես դադարեցնելու արնահեղությունը Սիրիայում»,- հայտարարել է նախագահի խոսնակ Յասեր Ալին:
Նախագահը նաև կոչ է արել Ռուսաստանի ղեկավարությանը շարունակել իր ակտիվ մասնակցությունը միջազգային միջնորդների Մերձավորարևելյան քառյակում (ՄԱԿ, ԵՄ, ՌԴ և ԱՄՆ):
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
