«168 ժամ». Խաչիկյանի ցուցմունք չտալը մարտավարություն է

ՀՀ աշխատանքի և սոցիալական հարցերի նախարարության Սոցիալական ապահովության պետական ծառայության նախկին պետ Վազգեն Խաչիկյանի փաստաբան Ժորա Վարոսյանը «168 ժամ»-ի հետ զրույցում ասել է, որ Վ. Խաչիկյանի գործը դեռևս նախաքննության փուլում է, և որևէ նոր տեղեկություն չի կարող հայտնել այղ կապակցությամբ:

Հիշեցնենք, որ Վ. Խաչիկյանին մեղադրանք է առաջադրվել կազմակերպված խմբով յուրացման եղանակով 211,680,984 ՀՀ դրամ և խարդախությամբ 29,000,000 դրամ գումարներ հափշտակելու, ինչպես նաև` պաշտոնեական կեղծիք կատարելու համար:

Թերթի հարցին, թե ինչո՞վ է պայմանավորված այն հանգամանքը, որ մինչ օրս Վ. Խաչիկյանը` որպես մեղադրյալ, ցուցմունք չի տալիս, փաստաբանը պատասխանել է. «Դա մի քիչ երկար պատմություն է: Վազգեն Խաչիկյանը` որպես վկա, բազմիցս ցուցմունքներ է տվել, նա` որպես մեղադրյալ, ցուցմունք չի տվել: Նախ` դա մարտավարություն է ցուցմունք չտալը, բայց կոնկրետ այս դեպքում նոր բան չի ունեցել ասելու»: Իսկ հարցին, թե ինչպե՞ս է Վ. Խաչիկյանի առողջական վիճակը, Ժ. Վարոսյանը պատասխանել է. «Նորմալ է»: