«Ժողովուրդ». «Շանթ»-ի սպորտային հաղորդումը «փակվել է»
Վերջին լուրեր
«Ժողովուրդ»-ի աղբյուրների փոխանցմամբ`«Շանթ» հեռուստաընկերության մարզական մեկնաբան Վարդան Թադևոսյանն ընտանիքի հետ միասին պատրաստվում է լքել Հայաստանը և մշտական բնակություն հաստատել ԱՄՆ-ում, քանի որ «Շանթ»-ը սպորտային հաղորդման հեռարձակման համար նրանից պահանջել է բերել 5 մլն դրամ արժողությամբ գովազդ: Թադևոսյանը չի կարողացել գտնել գովազդը, դրա համար էլ հաղորդումը «փակվել է»:
Թերթի հետ զրույցում մեկնաբանը տեղեկությունը հաստատեց մասամբ: «Չեն պահանջել, որ բերեմ գովազդ, պարզապես չկա այդ հովանավորը, և դրա համար սպորտային հաղորդումը եթեր չի գնում, մինչև կգտնվի համապատասխան հովանավորը»,-ընդգծեց նա' հավելելով որ ինքը տարվա մեջ 4 անգամ լինում է ԱՍՆ-ում և լուրերը, որ լքում է Հայաստանը, չեն համապատասխանում իրականությանը:
«Ժողովուրդ»-ը հավելում է, որ «Շանթ» հեռուստաընկերությունը սպորտային հաղորդումները համարում է ցածր վարկանիշ ունեցող թողարկում, ինչը կարող է ազդել նաև բարձր վարկանիշ ունեցող «Հորիզոն» լրատվական հաղորդման վրա. համենայնդեպս, այդպես է պատճառաբանվել:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
