«ՀԺ». «Փուչիկների գործով» Բոզոյանը վարկ է վերցնելու
Վերջին լուրեր
Հանրապետության հրապարակում փուչիկների պայթյունի և հաիյուրավոր երիտասաիդնեիի մարմնական վնասվածքների համար պատժի ենթարկված միակ «մեղավոր» Սերոբ Բոզոյանն առաջիկա օրերին պետք է Երևանի բանկերից մեկից 160 հազար դրամ վարկ վերցնի վիրահատվելու համար`«Հայկական ժամանակ»-ի թղթակցի հետ զրույցում ասել է ինքը՝ Բոզոյանը, որը քաղցկեղով հիվանդ է: Նրա առողջական վիճակը շաբաթ օրը կտրուկ վատացել է, տեղափոխվել է հիվանդանոց, որտեղ իրեն ասել են, որ վիրահատության կարիք կա:
«Բժիշկներն ասեցին, որ նորից փոքր վիրահատություն պետք է անեն, պետք է էդ նոր խոցերը հեռացնեն, դրա համար 160 հազար դրամ ուզեցին»,- երեկ ասել է Բոզոյանը' հավելելով, որ բացի վարկից' այլ ճանապարհով ինքը նման գումար չի կարող ճարել: Երեկ նա «ՀԺ» թղթակցին ասել է նաև, որ եթե մինչ այժմ չէր կողմնորոշվում բողոքարկել դատավճիռը, թե ոչ, ապա այժմ հաստատ որոշել է բողոքարկել: «Հիմա եթե էս վիճակով մտնեմ ընտեղ (մեկուսարան- հեղ.), էլ դուրս չեմ գա»,- ասել է նա: Արդեն հայտնել ենք, որ Բոզոյանը կկալանավորվի դատավճռի օրինական ուժի մեջ մտնելուց հետո (նոյեմբերի 17-ին), իսկ այժմ նրա նկատմամբ ընտրված խափանման միջոցը չհեռանալու մասին ստորագրությունն է, այդ իսկ պատճառով, չնայած դատավճռի առկայությանը, Սերոբ Բոզոյանը դեոևս ազատության մեջ է:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
