Financial Times. Սիրիական ընդդիմության գլխավոր հովանավորը

Financial Times պարբերականը գրում է, որ սիրիական ընդդիմությունը ֆինանսական օգնության մեծ մասը ստանում է ոչ թե Պարսից ծոցի ինչ-որ նավթային թագավորությունից կամ արևմտյան հետախուզությունից, այլ, ինչպես պարզվել է, Լիբիայից, որը վերջերս քաղաքացիական պատերազմ է վերապրել: Ըստ ընդդիմադիր Սիրիական ազգային խորհրդի բյուջեի, որը հրապարակվել է կիրակի օրը ուշ երեկոյան կազմակերպության կայքում՝ Լիբիայի կառավարությունը տրամադրել է սիրիական ընդդիմությանը 20.3 մլն դոլար։ Իր ստեղծման ժամանակից՝ 2011-ի օգոստոսից, Խորհուրդը ստացել է օգնություն մոտ 40.4 մլն դոլարի չափով։ 15 մլն դոլարը տրամադրել է Քաթարը, ևս 5 մլն՝ Արաբական Միացյալ էմիրությունները։

Լիբիան, որը ինքը դեռ նոր-նոր է սկսում ժողովրդավարություն հաստատել երկրում, կիսում է սիրիական ընդդիմության գաղափարական համոզմունքների մեծ մասը։ Նա առաջինն էր արաբական երկրների շարքում, որը խզել էր հարաբերությունները պաշտոնական Դամասկոսի հետ։ Տրիպոլիում, սակայն, ոմանք մտավախություն ունեն առ այն, որ օգնությունը կարող է հայտնվել իսլամիստենրի ձեռքերում։ Ըստ Խորհրդի զեկույցի՝ ստացված գումարի 11%-ը ծախսվել է վարչական կարիքների վրա, իսկ մնացածը՝ սիրիացիների օգնության, ինչպես Սիրիայում, այնպես էլ արտասահմանում։ Մոտ 7%-ը ծախսվել է Սիրիայի ազատ բանակի վրա, իսկ ևս 160 հազարը՝ Սիրիայի երկու հյուսիսային գավառներին հումանիտար օգնություն ցուցաբերելու վրա, որոնք հիմնականում քրդերով են բնակեցված։ Զեկույցի հրապարակումը համընկավ միջազգային հանրության՝ կազմակերպությանը Սիրիայի ընդդիմության լայն ճակատ անդամակցել համոզելու ջանքերի հետ։