Սիրիայի Համա նահանգում մահապարտ-ահաբեկիչը պայթյուն է կազմակերպել

Սիրիական ընդդիմադիր ապստամբները երկուշաբթի օրը Բաշար Ասադի ռեժիմի զորքերի դեմ մի քանի գրոհ են կազմակերպել: Դրանցից մեկը տեղի է ունեցել Դամասկոսի Մազե Ջաբալ թաղամասում, որտեղ գտնվում են մի քանի դիվանագիտական առաքելություններ: Հայտնում են մեծաքանակ զոհերի մասին. տեղեկացնում է Euronews-ը:

Սանա սիրիական տեղեկատվական գործակալությունը հաղորդում է, որ «Մուվասաթ» հիվանդանոց է տեղափոխել 8 զոհ և 31 վիրավոր: Մեկ այլ՝ Յուսեֆ Ազմա հոսպիտալում գտնվում է 3 սպանված և 24 վիրավոր. նրանց մեծամասնությունը ծայրահեղ ծանր վիճակում է:

Համա նահանգում Ազ Զիյարա գյուղում մահապարտ-ահաբեկչի կողմից իրականացված մեքենայի պայթյունի հետևանքով զոհվել է 2 քաղաքացի, ևս 10-ը վիրավոր են:

Համայում տեղի ունեցած պայթյունի մասին հաղորդում է նաև Euronews-ը, նշելով, որ զոհերի քանակը հասնում է նվազագույնը 50-ի: