Նոր մանրամասներ Հյուսիսային պողոտայի վրաերթից

Նոյեմբերի 5-ին՝ ժամը 21.00-ի սահմաններում, «ԲՄՎ X-6» մակնիշի ավտոմեքենայի վարորդը Թումանյան փողոցում վրաերթի է ենթարկել 4 անձի, ովքեր մարմնական վնասվածքներով տեղափոխվել են հիվանդանոց: Այս մասին տեղեկանում ենք Ոստիկանության պաշտոնական կայքից։

Ինչպես հայտնում է ֆոտոլրագրող Գագիկ Շամշյանը, նշված ավտոմեքենան հաշվառված է Նոր Արեշ 22 փողոցի բնակչուհի Սոնա Պետրոսյանի անվամբ: Իսկ դեպքի վայրում հավաքվածները ֆոտոլրագրողին պատմել են, որ նշված ավտոմեքենան վարում են «Բարի Սամարացի» ընկերության տերերը:

Արդյոք ավտոմեքենան վարել է Սոնա Պետրոսյանը, թե «Բարի Սամարացի» ընկերության աշխատակիցները, դեռ հայտնի չէ: Դա պարզ կլինի քննության ընթացքում:

Կատարվում է քննություն:

Հիշեցնենք, որ երեկ Lurer.com-ը դեպքի վայրից արդեն տեղեկացրել էր այս պատահարի մասին։