Լոնդոնում բոլորովին այլ ֆուտբոլ կլինի. Հենրիկ Մխիթարյան

Հայաստանի հավաքականի և Դոնեցկի «Շախտյորի» կիսապաշտպան Հենրիկ Մխիթարյանը խոսել է Չեմպիոնների լիգայի շրջանակներում կայանալիք «Չելսի»-«Շախտյոր» հանդւպման մասին.

– Հենրի՛կ, անցած հադիպմանը որակազրկման պատճառով ստիպված եղար հետևել տրիբունայից: Այդտեղից ավել շա՞տ ես անհանգստանում թիմի համար, քան այն ժամանակ, երբ գտնվում ես դաշտում։

– Միշտ տարբեր կերպ ես անհանգստանում: Իհարկե, տհաճ է, երբ թիմը խաղում է, իսկ դու չես կարող օգնել խաղընկերներիդ, չնայած որ շատ ես ցանկանում: Այդ իսկ պատճառով ավելի, նույնիսկ շատ ես անհանգստանում, քան դաշտում գտնվող թիմակիցներդ:

– Դուք կարծո՞ւմ եք, որ «Շախտյորը» Լոնդոն է մեկնում ֆավորիտի  կարգավիճակով։

– Մենք գնում ենք «Չելսիի» հետ խաղալու: Դաշտում ցույց կտանք այն ամենը, ինչին ընդունակ ենք: Եվ եթե հասնենք դրական արդյունքի, այդ ժամանակ կլինենք ֆավորիտ։

– Ինչո՞վ էր հատկանշական  եկուշաբաթյա վաղեմություն ունեցող խաղը Դոնեցկում։

– Մենք այդ հանդիպմանը շատ լավ էինք պատրաստվել: Սակայն Լոնդոնում բոլորովին այլ ֆուտբոլ կլինի: Համոզված եմ, որ  «Չելսին» շատ խորը վերլուծել է մեր խաղը և ավելի լավ է ուսումնասիրել: Մեզ շատ բարդ հանդիպում է սպասվում:

– Չեմպիոնների լիգայի խաղեր տարբերվում են երկրի առաջնությունից. այստեղ երկու թիմերն ել  հարձակվում են և ցանկանում են հաղթել:

– Իհարկե, խաղերը իսկապես տարբեր են:  Բայց տարբեր ակումբների հետ խաղալը շատ ավելի հետաքրքիր է, քան  ներքին առաջնությունում նույն ակումբների հետ անընդհատ հանդես գալը: Ներքին առաջնության հանդիպումներում կարող ես սխալվել, սակայն ոչ միշտ դրա համար կպատժվես: Իսկ Չեմպիոնների լիգայում քո սխալը հավանաբար կավարտվի բաց թողած գոլով: Հասկանում ես, որ սխալվելու իրավունք չունես: Պետք է ավելի կենտրոնացած լինես։

Մխիթարյանի խոսքերը մեջբերում է «Շախտյորի» պաշտոնական կայքը: