Սերգեյ Շոյգուն՝ Ռուսաստանի Պաշտպանության նորանշանակ նախարար

Ռուսաստանի նախագահ Վլադիմիր Պուտինը թոշակի է ուղարկել Պաշտպանության նախարար Անատոլի Սերդյուկովին. հաղորդում է Риа Новости-ն: Պաշտպանության նոր նախարար է նշանակվել Սերգեյ Շոյգուն, ով մինչ այդ զբաղեցնում էր Մոսկվայի շրջանի նահանգապետի պաշտոնը:

Սերդյուկովի պաշտոնանկության մասին հայտարարվել է նոյեմբերի 6-ին՝ Շոյգուի հետ հանդիպման ժամանակ: Նախագահի խոսքերով՝ Սերդյուկովը զրկվել էիր պաշտոնից, որպեսզի ՊՆ շուրջ ստեղծված իրավիճակի հարցում օբյեկտիվ հետաքննություն վարելու պայմաններ ստեղծվի:

Շոյգուն հայտարարել է, որ Պաշտպանության նախարարի պաշտոնը ստանձնելու առաջարկն իր համար մեծ անակնկալ էր:

Պաշտոնանկությունից ոչ շատ առաջ Սերդյուկովի անունը շրջանառվում էր «Оборонсервис» ընկերության հետ կապված խարդախության մեջ: Այդ գործի հետ կապված առաջին հաղորդումներում ասված է, որ ՊՆ նախկին աշխատակից Եվգենիա Վասիլևնայի բնակարանը խուզարկություն իրականացնելիս այնտեղ հայտնաբերվել է նաև Սերդյուկովը: Ինչպես հետագայում պարզվել է, նրանք հարևաններ են: ԶԼՄ-ները հայտնում են, որ Սերդյուկովը, հնարավոր է, հարցաքննվի «Оборонсервис» գործով որպես վկա:

Հետաքննությունը հայտնում է, որ այդ խարդախության իրականացման հետևանքով «Оборонсервис»-ի տիրապետության տակ գտնվող ՊՆ պետական գույքը վաճառվել է իջեցված գներով մասնավոր սեփականատերերին: Արդյունքում պետությանը հասցվել է ավելի քան 3 մլրդ ռուբլու վնաս: