ՀՀԿ գրասենյակի տանիքից երիտասարդն ընկել է ու մահացել. Ոստիկանությունը հաստատում է, ՀՀԿ պատգամավորն անտեղյակ է
Վերջին լուրեր
Հանրապետական կուսակցության շենքի շինաշխատանքների ժամանակ` սեպտեմբերին, ըստ մամուլի հրապարակման, զոհվել է շինարարական աշխատանքներն իրականացնող բանվորներից մեկը`27-ամյա Դավիթ Գևորգյանը:
ՀՀԿ խմբակցության քարտուղար Հովհաննես Սահակյանը «Հրապարակ»-ի հետ զրույցում հերքել էր լուրերը, ասելով, որ նման միջադեպ չի եղել, և դա ընդամենը մամուլի «մտքի թռիչքն է»:
Այսօր Լուրեր.com-ը զրուցեց Ոստիկանության լրատվության և հասարակայնության հետ կապերի վարչության աշխատակից Արմեն Մալխասյանի հետ, ով հաստատեց տեղեկությունը և ասաց, որ երիտասարդը մահացել է դեպքից մի քանի օր անց։
«Այո՛, նման դեպք գրանցվել է։ Երիտասարդը մահացել է դեպքից մի քանի օր անց։ Նշանակվել էր փորձաքննություն, բայց եզրակացության պատասխանը դեռ չկա։ Նախաքննությունը շարունակվում է»։
Հ.Գ. Անհասկանալի է այն, թե ինչպես կարող էր ՀՀԿ խմբակցության քարտուղարն անտեղյակ լինել դեպքի մասին, իսկ եթե անտեղյակ չի եղել, այլ ստում է, անհասկանալին այն է, թե ինչու է ՀՀԿ-ն փորձում թաքցնել և կոծկել դեպքը:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
