Բերանները կարած վրացի բանտարկյալները հասան ղեկավարության հրաժարականին
Վերջին լուրեր
Վրաստանում N15 Քսանի գաղութի տնօրեն Նուկրի Խուխուան, ում ղեկավարության տակ գտնվող ուղղիչ աշխատանքային գաղութում օրերս բանտարկյալները, ի նշան բողոքի, կարել էին իրենց բերանները, հրաժարական է տվել: Այս մասին հաղորդում է Newsgeorgia-ն՝ հղում կատարելով իրավապաշտպան Նինո Ջանդիերիին, որն էլ իր հերթին մեջբերել է Խուխուայի խոսքերը. «Նա հեռախոսով ինձ հայտնել է, որ հրաժարական է տալիս և հեռանում է պաշտոնից իր հայցը բավարարելուց հետո»:
Խուխուան բանտի տնօրենի պաշտոնին նշանակվել էր Վրաստանում նոր կառավարության ձևավորումից հետո՝ այս հոկտեմբերի կեսերին:
Ջանդիերիի խոսքերով՝ ներկայումս իրավիճակը գաղութում հանգիստ է, սակայն 13 բանտարկյալ շարունակում է բողոքել՝ կարած պահելով իրենց բերանները: Նրանք պահանջում են բժշկական օգնություն և բանտային պայմանների բարելավում:
Հիշեցնենք, որ անցյալ շաբաթ Քսանի գաղութում մեկուկես տասնյակ բանտարկյալներ կարել են իրենց բերանները՝ պահանջելով փոխել գաղութի ղեկավարությանը: Նրանք պնդում են, որ գաղութի վարչակազմը ոտնահարում է իրենց իրավունքներն ու սպառնում վրեժ լուծել:
Անցյալ շաբաթ բանտարկյալների հարազատները ցույց էին կազմակերպել Ռուսթավիի բանտի մոտ: Այնտեղ իշխանությունները փոխեցին բանտի վարչակազմը:
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
