Արարատի մարզում հաղթեց ՀՀԿ-ականը

Արարատի մարզի Նոյակերտ համայնքում նոյեմբերի 4-ին կայացած համայնքի ղեկավարի արտահերթ ընտրությունների նախնական արդյունքներով՝ գյուղապետ է ընտրվել գյուղապետի օգնական, ՀՀԿ անդամ Հովհաննես Խոսրովի Հարությունյանը:

Առաջադրվել էր երկու թեկնածու։ ՀՀԿ-ական Հովհաննես Հարությունյանի օգտին է քվեարկել 804, իսկ Նոյակերտի դպրոցի զինղեկ, անկուսակցական Յուրիկ Խոսրովի Հարությունյանի օգտին` 50 ընտրող:

Նոյակերտի 1 515 ընտրողներից քվեարկությանը մասնակցել են 859-ը: 5 քվեաթերթիկ անվավեր է ճանաչվել: Այս մասին տեղեկանում ենք ԿԸՀ կայք-էջից։

Հիշեցնենք, որ Նոյակերտի նախկին գյուղապետ Կնյազ Սահակյանն այս տարվա օգոստոսի 6-ին մահացել էր, և համայնքում նշանակվել են գյուղապետի արտահերթ ընտրություններ: