Սիրիացի ևս 7 գեներալ է փախել Թուրքիա

Սիրիայի կառավարական բանակի 7 գեներալ նոյեմբերի 6-ին հատել է Թուրքիայի հետ սահմանը, վայր դրել զեմքը և քաղաքական ապաստան խնդրել Թուրքիայից. հաղորդում է Anadolu գործակալությունը:

Գեներալների հետ սահմանի մյուս կողմն են անցել անհայտ քանակով այլ զինծառայողներ: Թուրքական իշխանությունները նրանց բոլորին փախստականի կարգավիճակ են շնորհել և ուղղել Հաթայ նահանգում գտնվող փախստականների ճամբարը:

Կառավարական զորքերը լքած սիրիացի գեներալների քանակն արդեն հասնում է 42-ի: Վերջին օրերին կառավարական զորքերը  դժվարություններ են հատկապես ունենում երկրի հյուսիսային հատվածում գտնվող Հալեպ և Իդլիբ նահանգներում տեղի ունեցող մարտերի ժամանակ: Փորձագետներն ապստամբների հաջողության պատճառները տեսնում են նրանց կողմից Մաարաթ ալ Նուման և Սարաքիբ քաղաքները տիրելու մեջ: Այս քաղաքները գտնվում են երկրի կենտրոնը հյուսիսին կապող մայրուղու վրա: Հենց այդ մայրուղու շնորհիվ է Դամասկոսը զորք մատակարարում Իդլիբում և Հալեպում կռվող իր մարտիկներին: