Կարևորեցին Հայաստան-Կուբա հարաբերությունների հետագա զարգացումը
Վերջին լուրեր
Նոյեմբերի 6-ին ՀՀ ԱԺ նախագահ Հովիկ Աբրահամյանն ընդունեց ՀՀ-ում Կուբայի Հանրապետության արտակարգ եւ լիազոր դեսպան Վալդես Ֆիգերոային՝ դիվանագիտական առաքելության ավարտի կապակցությամբ:
ԱԺ նախագահը կարեւորեց Հայաստանի եւ Կուբայի միջեւ հարաբերությունների զարգացումը, միջխորհրադարանական գործակցության ակտիվացումը, առեւտրատնտեսական կապերի աշխուժացումը: Հովիկ Աբրահամյանը նշեց, որ Հայաստանի խորհրդարանում ձեւավորվել է Հայաստան-Կուբա պատգամավորական բարեկամության խումբ:
Շնորհակալություն հայտնելով ընդունելության համար՝ Կուբայի դեսպանը նույնպես անհրաժեշտ համարեց փոխգործակցության ակտիվացումը տարբեր ուղղություններով: Նա կարեւորեց միջխորհրդարանական կապերի զարգացումը, ինչպես նաեւ համագործակցությունը մշակույթի, զբոսաշրջության, դեղագործության, առողջապահության եւ այլ ոլորտներում:
ԱԺ նախագահը վստահություն հայտնեց, որ վերադառնալով Կուբայի ԱԳՆ, դեսպանը կշարունակի իր նպաստը բերել Կուբա-Հայաստան հարաբերությունների հետագա զարգացման գործում: Դեսպան Վալդես Ֆիգերոան հավաստիացրեց, որ այսուհետ եւս ամեն ինչ կանի զարգացնելու հայ-կուբայական հարաբերությունները:
Հանդիպմանը քննարկվեցին այլ հարցեր եւս:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
