Neue Zurcher Zeitung. Ուկրաինայում չեղյալ են հայտարարվել 5 ընտրատարածքների արդյունքները

Մոտ հազարավոր ցուցարարներ` չնայած արգելքին, հավաքվել էին Կիևում ԿԸՀ-ի շենքի առջև` արտահայտելու իրենց բողոքը ընդդեմ որոշ ընտրատածքներում ձայները հաշվելու գործընթացի դանդաղ իրականացման, գրում է Neue Zurcher Zeitung-ը:

Երեքշաբթի երեկոյան՝ ԿԸՀ-ն չեղյալ է հայտարարել5 ընտրատարածքներից ստացված արդյունքները և նշանակել կրկնակի ընտրություններ, քանի որ կառույցի ներկայացուցիչների խոսքերով՝ այս տարածքներում զգալի խախտումներ են արձանագրվել:

Գերմանական պարբերականի համաձայն` քվեարկության արդյունքները վիճարկվում են այն ընտրատարածքներում, որտեղ ընտրվում էին մի մանդատ ունեցող թեկնածուները, իսկ հաշվարկը դանդաղում է այն շրջաններում, որտեղ առաջատար են ընդդիմության թեկնածուները:

Ընդդիմությունը կասկածում է, որ հաշվարկը ձգձգվում է, որովհետև փորձեր են արվում կեղծել արդյունքները` ի օգուտ «Շրջանների» կուսակցության:

Ըստ գերմանական թերթի` «այդ կասկածները անհիմն չեն»: Այսպես օրինակ. Պերվամայսկ քաղաքում ԶԼՄ-ները նախ հաղորդել էին «Միացյալ  ընդդիմության» թեկնածու Արկադի Կորնացկու հաղթանակի մասին (39,66%) «Շրջանների» կուսակցության թեկնածու Վիտալի Տրավյանկոյի (34,09%) նկատմամբ, իսկ հետո ԿԸՀ-ն հայտարարել է Տրավյանկոյի հաղթանակի մասին (39,99%), ընդ որում Կորնացկիին տրված ձայները մնացել է նույնը: Իսկ քվեաթերթիկները բռնագրավվել էին դատարանի որոշմամբ: